"Улаан басган" номын зохиогч, Идэрчулуун овогтой Гэрэлчулуун. 14 настайдаа ХБНГУ-ыг зорин очиж, тэнд өөрт тогтсон суурь хүмүүжил болон төлөвшлөө олж авсан гэж боддог. 17 настайгаасаа Их Британид сурч амьдрахдаа ажил хөдөлмөрийн үнэ цэнийг ойлгосон. Монголдоо 10 гаруй жилийн өмнө эргэж ирээд банк санхүү, олон улсын төсөл хөтөлбөр, геологи уул уурхай, эрүүл мэнд зэрэг төрөл бүрийн салбаруудад удирдах ажил хийсэн байна. Номоо жилийн өмнө бичиж эхлээд 2024 оны 9-р сард нийтэд ил болгоход 2 хоногийн дотор бестселлер болсон.