Хүүхдийн додоод ертөнцийг бичээч хэмээн алдаршсан зохиолч П.Лувсанцэрэнгийн энэхүү номд 1971 онд хэвлүүлсэн "Хөдөөгийн дуун" болон Усны эргүүлэг буюу Борзооны явдал гэсэн 2 тууж нь орсон бөгөөд "Хөдөөгийн дуун" тууж нь тухайн үедээ 5300 хувь хэвлэгдэн гарч байжээ. Малын эмчийн тухай "Хөдөөгийн дуун" туужид Агьт, Тээл, Жаргалантын гол, Овооны гол, Өвөр тэгш гэхчлэнгээр нутаг усны нэр тодорхой зааж, тодорхой нэг нутагт болж байгаа үйл явдлын тухай бичсэн байна. 

Уг ном нь ЕБС-ийн дунд, ахлах ангийн сурагчдын заавал судлах зохиолд багтсан билээ. 

Өгүүлэгч : И.Пүрэвсайхан