Энэтхэгийн төдийгүй дэлхий дахиныг баясгасан их яруу найрагч, жүжгийн зохиолч, суут сэтгэгч Галидасын алдарт Үүлэн Зардас найраглал.Үүлэн зардас найраглал 115 бадагтай, эртний Энэтхэгийн яруу найргийн тансаг сайхны илрэл болсон бүтээл юм. Найраглалд сэрэмж алдсан нэгэн ягшас Намсрай буюу Гувира тэнгэрийн зарлигаар жилийн хугацаатай цөлөгдөн алс хол суухдаа ард үлдсэн үзэсгэлэнт гэргийгээ дурсан гуниглаж, умар зүг нүүх үүлэнд хандан гэргийдээ сэтгэлийн үгээ хэлүүлэхээр цэцэг барин гуйж буй тухай, мөн тэрхүү үүлний дайрч өнгөрөх нутаг усыг зураглан гайхамшигтай урнаар өгүүлдэг. 1962 онд Нэрт эрдэмтэн Бямбын Ринчен орчуулжээ.